Sot emol
Tommy Schlesser: "Glieser hallef voll gesinn"
51 min
Den Tommy Schlesser ass e Schauspiller, fir deen et am Filmgeschäft richteg gutt leeft. Zum Beispill ass hien an der zweeter Staffel vu "Capitani" ze gesinn - eng Serie, déi un Netflix verkaf gouf.
Am Kino stoung hien op der Affiche vun der spuenesch-lëtzebuergescher Koproduktioun "Lemon and Poppy Seed Cake". D'lescht Joer war hien zu Cannes um rouden Teppech fir de Film "Rebel" vum Adil El Arbi an Bilall Fallah, wou hien en IS-Kämpfer spillt.
An hie spillt och a "Läif a Séil" vum Loïc Tanson, an hie freet sech drop, wann "Die Bergretter" beim ZDF gewise ginn, um klengen Ecran, do wou Villes fir hien ugefaangen huet, notamment an Tëleesproduktioune vu Rosamunde Pilcher, oder "Das Traumschiff".
Den Tommy Schlesser huet schonn als Bouf mat sengem eelere Brudder Emile éischt kleng Filmer gedréit, de Fonke vun der Magie vun der Kamera ass jonk bei him eriwwer gesprongen. Dat, obwuel hien aus enger Famill vu Juriste kënnt. Säin Urgrousspapp, Grousspapp a Papp hunn dee Beruff ausgeüübt, an obwuel den Tommy Schlesser deen och ugehaangen huet, andeems hien Droit studéiert huet, ass hie séier nees vu senger Passioun dem Kino ugezu ginn.
Eigentlech wollt hien 2012 op Köln op d'Film Acting School goen, mee du krut hie seng éischt Roll ugebueden an der Lëtzebuerger Sitcom "Comeback". Dat war säin Debut. Säi Studium huet hien trotzdeem duerchgezunn, net zu Köln, mee zu Los Angeles.
2013-2014 hat hie seng eege Sketch-Comedy Serie "Wat Elo?" fir RTL Télé Lëtzebuerg, wou hien an circa 100 kuerzen Episoden zesumme mat sengem Brudder Émile Schlesser opgetrueden ass.
2015 war den Tommy Schlesser an enger Gaaschtroll an der däitscher RTL-Serie "GZSZ" als Austauschstudent Eike Habicht ze gesinn.
Am Kuerzfilm "Long Lost", deen als beschte Kuerzfilm beim Max Ophüls Preis nominéiert war, hat de Schlesser d'Roll vun engem jonke Strummert mat krimineller Vergaangenheet. 2018 war hien am lëtzebuergesche Kinosfilm "Superjhemp Retörns", nieft der Julie Kieffer an der Désirée Nosbusch ze gesinn.
Am Februar 2022 du fir vill Persounen e laang erwaarte Moment. Déi zweet Staffel vu "Capitani", an där hien d'Roll vun engem Drogeboss spillt.
D'Natasha Ehrmann féiert duerch d'Gespréich.
Episoden
Jos Stutz
Viru ganz Kuerzem gouf dem Invité eng Liewer transplantéiert: Vun engem Ament op deen aneren ännert d'Liewen, an eng Transplantatioun gëtt den Traitement vum Choix.
Roger Spautz
De Membre-Fondateur vu Greenpeace Lëtzebuerg
Julia Ruhmann
Sech fir d'Ziler fir nohalteg Entwéklung asetzen, dat ass et wat d'Julia Ruhmann motivéiert. Si ass bei youth4planet aktiv, wou et an der Haaptsach drëms geet Jonker bäi ze brengen, wéi s
Karin Kremer
D'fréier Direktesch vum Mierscher Kulturhaus ass zanter engem knappe Joer an der Pensioun an haut ass si Invitée an der Emissioun "Sot emol".
Erna Hennicot-Schoepges
D'forméiert Pianistin, fréier Ministerin an CSV-Parteipresidentin an enorm engagéiert Fra ass d'Invitée.
Tom Leick-Burns
Den Direkter vun de Stater Theateren ass vu Formatioun Acteur an huet a Produktiounen zu Lëtzebuerg gespillt - am Theater a Film.
Karin Kremer
D'fréier Direktesch vum Mierscher Kulturhaus ass zanter engem knappe Joer an der Pensioun an haut ass si Invitée an der Emissioun "Sot emol".
