Zäitspuer

Original Opnamen aus der Zäit vun de 50er Jore ginn et praktesch keng méi. Déi meescht Radio-Emissioune sinn deemools nämlech live iwwer d'Antenn gaangen, ouni datt e Band matgelaf ass.

D'Historiker Jens van de Maele a Julia Harnoncourt hu fir d'Online-Ausstellung "Minett Stories" awer nogestallt, wéi Fraen-Radio sech an de 50er Joren unhéieren huet. Eraus komm ass d'Audio-Stéck "Zuhause mit Ketty und Catherine".

Wéi ass dat Stéck entstan? A wat seet et iwwer déi gesellschaftlech Stellung vun de Fraen direkt nom zweete Weltkrich aus? Dat freet de Rick Mertens d'Julia Harnoncourt an der drëtter Episod vun der Zäitspuer.

Episoden

Kachrezepter mat Politik: Esou huet Fraen-Radio an de 50er geklongen

01 Nov. 2022 - 11h40

Fraen um Radio ze héieren ass haut zimmlech normal. Dat war awer net ëmmer esou.

Esch 1918: Eng brutal Rebellioun, déi séier nees vergiess gouf

01 Nov. 2022 - 11h20

Rebellioune si rar an der Lëtzebuerger Geschicht. Dat heescht awer net datt et der ni gouf: Ee Beispill fënnt een 1918 zu Esch-Uelzecht.

Grujeleg Accidenter an Iessen ewéi um Haff

01 Nov. 2022 - 11h03

1981 huet déi lescht Eisenäerz-Minn zougemaach. Haut kann ee sech just nach schwéier virstellen, wéi haart den Aarbechtsalldag deemools war.