One World

100komma7.lu / One World

/ Métissages

Métissages

60 min

Lauschteren

16 Juli 2022 - 17h03

"Luna Nera" vum Perkussionist a Batteur Simone Prattico ass eng éischt Single-Auskopplung vum Album "Oriundo". D'Iwwerschrëft ass eng Referenz un all déi, déi wäit ewech vun hirer Heemescht liewen. Eng Ep, op där fënnef renomméiert Artisten invitéiert sinn, gëtt fir de 26 August ugekënnegt. De Simone Prattico huet op "Luna Nera" de Piers Faccini agelueden, a mir héieren en Duo an enger perfekter Osmose, deen eis mathëlt an eng multikulturell Transe.

Deen an Äthiopie gebuerene Keyboarder Kibrom Birhane huet elo säin drëtten Album erausbruecht: "Here and There". Hei vermëscht de Kibrom äthiopeschen Jazz mat ostafrikaneschem Funk, spirituellem Soul-Jazz, dat Ganzt mat engem psychedeleschem Touch.

Wild Horses Orchestra ass en imaginäre Grupp, deen an der laanger Zäit vum Confinement entstanen ass. Et ass dem franséische Saxofonist, Flüttist, Komponist a Produzent Etienne de la Sayette säi Wild Horses Orchestra. Wann ee scho keng Band méi huet, da kann ee sech eng erfannen ...

D'Derya Yildirim & Grup Şimşek ass e modernen Super-Quintett, deen eng elektresch an héich danzbar tierkesch Musek spillt. Anatolesche Folk gëtt hei ugeräichert mat Jazz a Funk a mat engem psychedeleschen Touch.

Wax Machine, dat ass de Projet vum Lau Ro, deen a Brasilie gebuer, an Italien an England opgewuess ass, vun do hier dës multipel Influenzen op senger Aktualitéit "Hermit's Grove". En Disk mat enger klorer Referenz un d'Tropicalia vun de 60er.

Djely Tapa kënnt aus enger aler Ligne vu Grioten aus dem Mali a vermëscht - wéi déi meescht jonk Nowuess-Talenter, hiert afrikanescht Ierwe mat aneren Influenzen.

Playlist:

Vincent Segal, David Walters, Ballaké Sissoko & Roger Raspail - Mama (Unplugged Version) - Nocturne
Simone Prattico - Luna Nera (& Piers Faccini) - Luna Nera - Single
Vieux Farka Touré - Be Together - Les Racines
Ariana Vafadari - Le rêve d'Anahita - Anahita
Kibrom Birhane - Abetu - Here and There
Etienne de la Sayette & Wild Horses Orchestra - Nave Nave Moe - Nave Nave Moe/Single
Hardkandy - Pure Fantasy (feat. Andy Platts) - Pure Fantasy
Derya Yildirim & Grup Şimşek - Üç Kiz Bir Ana - Üç Kiz Bir Ana - Single
Wax Machine - Guardians of Eden - Hermit's Grove
Djely Tapa - Barokan - Barokan (Deluxe Edition)
Adam Ben Ezra - Can't Stop Running - Can't Stop Running - Single
Avishai Cohen - Leolam - Aurora

Musek

Episoden

Together

22 Juni 2024 - 17h03

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen

Tribal Beats

18 Juni 2024 - 22h10

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.

The New Tradition

08 Juni 2024 - 17h03

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.

On The Road I

01 Juni 2024 - 17h03

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.

sunny side up

25 Mee 2024 - 17h03

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar

Desert Blues

21 Mee 2024 - 22h10

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …

Man in Black

27 Abr. 2024 - 17h03

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…

Back To Black

20 Abr. 2024 - 17h03

Nei-Verëffentlechungen, e Retour an d’70er, an eng Film-Musek di beréiert.

Hymne au soleil

13 Abr. 2024 - 17h03

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.

La Rata Bluesera

06 Abr. 2024 - 17h03

Blues aus Chile, Spaghetti-Western Feeling an e klenge Retour an d’80er

Métissage

30 Mäe. 2024 - 17h03

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.

Fréijoer 2024

23 Mäe. 2024 - 17h03

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling

It Must Change

16 Mäe. 2024 - 17h03

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder

Beats and Songwriting

09 Mäe. 2024 - 17h03

E bësse Punk aus de 70er, Blues, R&B a Roots Musek …a schéi Stëmmen

Sparkles

02 Mäe. 2024 - 17h03

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier

in the mood of…

24 Feb. 2024 - 17h03

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.

Together

17 Feb. 2024 - 17h03

Grenzen existéieren an der Musek kaum nach, de weltwäiten Austausch an di géigesäiteg Beräicherung di an eiser ‘globaler Zäit’ méiglech ass brénge spannend an inspiréiert Kläng ervir...

The Soul of the Blues

10 Feb. 2024 - 17h03

De Blues ass e Styl deen ëmmer wëllkomm ass. Haut kennt en aus Kanada, Amerika an aus Mali

Métissages

03 Feb. 2024 - 17h03

Den afrikaneschen, australeschen an den europäesche Kontinent treffen dës Kéier zesummen. D’Influenze weisen ëmmer erëm dorops hin, datt d’Musek an d’Kreativitéit keng Beréierungsängschten a keng Virurteeler kennt.

Surprises

27 Jan. 2024 - 17h03

Singer-Songwriter, déi beréieren, politesch engagéierte Spoken Word, eng Pärel aus de 70er, Kammermusek a schéi Stëmmen, an e Mann, dee sech Coyote nennt ...