One World
Red Hot
60 min
Boulevards heescht de Projet vum Jamil Rashad, dee mat sengem véierten Album "Electric Cowboy: Born in Carolina Mud" seng Racinnen an Éieren hält, an dat mat Soul!
De Red Hot Chili Peppers hiren neien Album heescht "Unlimited Love". De faméise Grupp vun LA, dee mat Diske wéi "Blood Sugar Sex Magik" a "Californication" zum Weltstar gouf, ass elo erëm do am komplette Line Up mam John Frusciante op der Gittar.
Och den Andrew Bird huet eng Aktualitéit "Inside Problems". Den amerikanesche Singer-Songwriter a Multi-Instrumentalist, deen awer virun allem d'Gei studéiert huet, beschäftegt sech hei mat komplexe Froen, Gedanken an Obsessiounen, déi virun allem nuets optrieden ...
D'Australierin Molly Lewis, déi den Ament zu LA lieft, ass weltbekannt als Päiferin, si spillt och d'Ukulele. Hir "The Forgotten Edge EP" ass wärend dem Lockdown 2021 entstanen an der Zesummenaarbecht mat Museker-Frënn an ass en Hommage un de groussen italieenesche Komponist a Museker Alessandro Alessandroni.
Papooz hiren neien Album "None of This Matters Now" ass an enger verloossener Hütt am Süd-Oste vu Frankräich entstanen, en Disk mat Iddien, déi Potential hunn.
Neue Grafik ass den Numm, deen e Londoner Multi-Instrumentalist a Produzent sech ginn huet als Kënschtlernumm. Déi nei Ep vum Neue Grafik Ensemble "Foulden Road Part II" ass eng interessant Opnam mat siwen Titelen, déi sech mat Rasse-Problematiken a mat der globaler Pandemie ausenanersetzt.
Playlist:
Boulevards - Better off Dead (feat. Nikki Lane) - Electric Cowboy: Born in Carolina Mud
Red Hot Chili Peppers - Aquatic Mouth Dance - Unlimited Love
Andrew Bird - Atomized - Inside Problems
Andrew Bird - Underlands - Inside Problems
Marion Rampal - Passe-Montagne - Tissé
Molly Lewis - The Forgotten Edge - EP
Molly Lewis - Wind's Lament - The Forgotten Edge - EP
Farees - Black Hole Blues - Border Patrol
Vincent Segal, David Walters, Ballaké Sissoko & Roger Raspail - Freedom - Nocturne
Papooz - White Roses - None of This Matters Now
Vanessa Wagner - Etude No. 16 - Study of the Invisible
Neue Grafik Ensemble - Breath (feat. JJ Akinlade) - Foulden Road Part II
Sault - Bow (feat. Michael Kiwanuka) - Untitled (Black Is)
Schvédranne & Jack Hirschman - At the lips of a kiss (Texte Intégral) - Vanity Vanity All Is Vanity