One World
Nei Welten
"Soulgroove '66" kléngt wéi eng Session aus dem Archiv vun de 60er, ass awer eng nei an déi lescht Produktioun vum Pierre Baroni, bekannt fir seng Radiosendungen zu Melbourne an och fir seng Fotografien.
"Solid Ground" dat ass den Debut-Album vun der amerikanescher Formatioun The Grease Traps. Elo an no sechs Joer Aarbecht ass déi éischt Scheif a voller Längt fäerdeg, se kënnt via Record Kicks eraus.
De Charley Crockett war Stroossemuseker, dunn huet hien néng Diske mat amerikanescher Rootsmusek a sechs Joer agespillt an haut mat sengem zéngte "Music City Usa" tauchen mer voll an an d'Country.
"Hot Toddy" aus dem Joer 1974 vum Nino Ferrer sengem Album "Nino and Radiah et le Sud" léisst e ganz aneren Nino Ferrer erkléngen, hei ganz ënner der Influenz vun den angelsächsege Produktiounen aus där Zäit.
De Schott Joseph Malik ass mat "Diverse, Pt. 3" beim Schluss vu senger Trilogie ukomm. Hei héiere mer en Hommage un déi schwaarz Musek vun engem Marvin Gaye bis Massive Attack, an e Statement iwwer den Zoustand vun der Welt haut, 2021.
D'Chan Marshall, besser bekannt als Cat Power, och si schléisst eng Trilogie of, allerdéngs eng vu Coverversiounen. No "The Covers Record" (2000) an "Jukebox" (2008) heescht den neien Album einfach "Covers". E gëtt fir Januar 2022 ugekënnegt.
Schwiereg Situatiounen, déi z. B. Angscht a Roserei ausléisen: wéi gi mer domadder ëm? D'Aart a Weis ze betruechten ass wichteg, esou de Luca Wilding, dee mat sengem neien Album "Book Of Fate" eng Kollektioun vu Lidder agespillt huet, wou et ëm Verzeie geet.
De Paräisser Gittarist Samuel Strouk weist op en Neits haut mat "Nouveaux Mondes", datt et keng aner Grenze gi wéi déi, déi mer eis selwer imposéieren. Den Artist verdéift mat dësem neien Opus seng Recherchen, andeems en d'Batterie mat engem Straicher Quartett zesummebréngt.
Playlist:
The New Cobras - Soulgroove '66, Pt. 1 (feat. Renee Geyer) - Single
The Grease Traps - More and More (And More) - Solid Ground
Black Pumas - Colors - Black Pumas (Deluxe Edition)
Charley Crockett - This Foolish Game - Music City USA
Nino Ferrer - Hot Toddy - Nino and Radiah Et Le Sud
Joseph Malik - Tavistock - Diverse, Pt. 3
Cat Power - Bad Religion - Covers
Peter Gabriel - Signal to Noise (New Blood Version) - New Blood (Special Edition)
Luca Wilding - Book of Fate - Book of Fate - EP
Samuel Strouk - Nouveaux mondes (Edit) - Nouveaux mondes (Edit)
Seu Jorge - Cirandar - Everybody Loves The Sunshine 12"
Minino Garay - Taquirari (feat. Kevin Johansen) - Asado