One World
Palabras Urgentes
D'Susana Baca, déi peruanesch Sängerin huet ufanks Oktober deen neien Album "Palabras Urgentes" verëffentlecht, eng musikalesch Kreatioun an eng Kollektioun vu Lidder, déi sech mat eiser schwiereger Zäit ausenanersetzen. Der Susana Baca hire Message ass staark a benotzt déi effikass Waff fir d'Ongerechtegkeet ze bekämpfen: d'Wëssen!
E festive Kreesch aus dem Süde vu Frankräich, dat ass "El Grito", véierten Album vu Cumbia Chicharra. Déi aachtkäppeg Formatioun huet d'Cumbia als Epizenter an eng Hellewull vun Influenzen ronderëm.
De Fixi an Nicolas Giraud sinn zwee Museker, déi laang Joren op der Säit vum Nigerianer Tony Allen geschafft hunn. Si maache mam Album "Tempo Tempo" en Hommage un de Batteur a Komponist.
En aneren Hommage ass d'Re-Editioun vum Benjamin Biolay sengem éischten Album "Rose Kennedy", dee virun 20 Joer erauskoum. E Konzept Album, deen op dem Liewe vum J.F. Kennedy senger Mamm Rose baséiert.
Wärend dem Lockdown vum leschte Joer entstanen ass och den Album "Far In" vum amerikanesche Museker Helado Negro. Zu Marfa am Texas konzipéiert, inspiréiert un der Natur an de Stären.
An nach en Hommage ass den Album "Burns On The Wire" vum franséische Sänger H-Burns un de Leonard Cohen. Zesummen mat engem Sträicher Quartett a fir vereenzelt Lidder mat Gaascht-Invitéen derbäi.
Den Damien Jurado, Songwriter vu Seattle, huet mat sengem Konzept-Album "The Monster Who Hated Pennsylvania" eng Kollektioun vun zéng Lidder an och zéng Personnagë verëffentlecht iwwer Leit, déi decidéiert hu sech sech net vun de Schicksalsschléi vum Liewen ënnerbotteren ze loossen.
Amateur vu Reggae an Hip-Hop ass de franséische Museker Twan Tee. Hien huet sech mam Produzent Oddy zesummegedoe fir säin éischten Album: "Crossing" iwwerschriwwen.
Rakoon, en Electron libre vun der franséischer elektro-dub Zeen ass derby a säin Album vun dësem Joer heescht Something Precious ...
Playlist:
Susana Baca - La herida oscura - Palabras Urgentes
Susana Baca - Color de rosa - Palabras Urgentes
Avishai Cohen - Leolam - Aurora
Mossa & Zoya - Wertehem Tamiditin - Tafouk D Ewar
Cumbia Chicharra - ¿Quien Es? - El Grito
Rita Payés & Elisabeth Roma - No Digo Que No (Vaca y Pollo) [feat. Pol Batlle] - Como la Piel
Fixi & Nicolas Giraud - Oto (feat. Maïa Barouh) - TEMPO TEMPO! (A Tony Allen Celebration)
Benjamin Biolay - La dernière heure du dernier jour - Rose Kennedy (Edition Deluxe)
Rodolphe Burger - Fuzzy (feat. Hugues Reip) - Environs
Helado Negro - Wake Up Tomorrow (feat. Kacy Hill) - Far In
H-Burns - The Partisan (feat. Kevin Morby) - Burns on the Wire
Rover - To This Tree - Eiskeller
Damien Jurado - Dawn Pretend - The Monster Who Hated Pennsylvania
Twan Tee & Oddy - On the Road (feat. Loïs Daïri) - Twan Tee Meets Oddy - Crossing
Rakoon - Pigalle - Something Precious