One World
Global Music
60 min
De Mathias Berchadsky ass e bekannte Gittarist a Komponist vu Flamenco, deem säin Album Manifiesta vu senge ville Reesen notamment a Süden-Indien beaflosst ass. Manifiesta léist eng erstaunlech Co-habitatioun vu Stiler erkléngen, virtuos gespillt. Influenzen aus Süd-Indien och beim Stéphane Edouard. De Perkussionist huet sech gutt ëmginn fir sein éischten Album Pondicergy Airlines, deen och - grad wi beim Mathias Berchadsky - an der Collaboratioun mat Museker entstanen ass déi en am Kader vu senge Reese begéint huet. D'Occitanie, dës nei Groussregioun mam Languedoc-Roussillon an de Midi-Pyrénées, mat enger gemeinsamer Sprooch an den ënnerschiddlechen Dialekter gëtt polyphonesch vertruede vu Fraen Trio Cocanha. Originaire aus Nigeria an zu London baséiert ass Loshh, e Museker dee vum Blues, Post-Punk a vum Highlife beaflosst ass, seng nei EP Ífaradá mixt déi 4 Ecken vum Planéit mat de Perkussiounen als Réckgrat. Ee vun de groussen Disquen vun dësem Joer ass dem David Walters säin Nocturne, agespillt mat enger Band Frënn a Pointuren. De Yannic Seddiki Trio, och hei héiere mer eng Band Frënn déi hiren Dram liewen, autonom ze bleiwen an hir Diske selwer ze produzéieren. Den Album Risplendenti, Riversi vun Nataša Mirković, Michel Godard, Luciano Biondini & Jarrod Cagwin ass e Spill tëscht der Antike an der Moderne, de Line-Up hält wat e versprécht! Den amerikanesche Singer-Songwriter a Multi-Instrumentalist Sufjan Stevens, deen an der Lescht méi wéi eng kreativ Kollaboratioun agaangen ass, ass elo ze héieren zesumme mam Angelo De Augustine. Hire Konzept wor fir sech nuets Filmer unzekucken an daagsiwwer hu se hir Andréck iwwer d'Natur vum Mënschsinn an hirem Songwriting festgehal.
El Mati - Raices (feat. Kanchana Rajesh) [Seguyrias] - Manifiesta
Stéphane Edouard - One Last Time - Pondicergy Airlines
Cocanha - Cotelon - Puput
Evann McIntosh - COCO PEBBLES - Character Development
Loshh - É Beré - Ífaradá
Vincent Segal, David Walters, Ballaké Sissoko & Roger Raspail- Sa en yé- Nocturne
Ismail Sentissi Trio - Silences d'Oumma - Genoma
Yannic Seddiki Trio - Black or White Hat (feat. Robinson Khoury & Camille Passeri) - E-Life
Nataša Mirković, Michel Godard, Luciano Biondini & Jarrod Cagwin - A Trace of Grace (Arr. M. Godard) - Risplendenti, riversi
Sufjan Stevens & Angelo De Augustine- The Pillar of Souls- A Beginner's Mind
Emel - Sallem - The Tunis Diaries