One World
Roots & Seeds
Urban Village, dat si véier Sänger a Museker, déi zu Soweto gebuer an opgewuess sinn, an déi d'Apartheid kannt hunn, wéi se op en Enn koum. Op hirem Debut-Album "Udondolo" hale si traditionell Xhosa a Zulu-Kläng an Éieren a vermëschen dës mat Jazz, Blues a Rock.
De Samba Toure ass e Vertrieder vum Wüste-Blues aus dem Mali, hien huet och e puer Joer mam Ali Farka Toure zesummegeschafft. Südlech vun der Sahara opgewuess an enger Géigend, déi Binga genannt gëtt, esou huet hie säi véierten Album "Binga" genannt.
Den argentinesche Museker Ignacio Maria Gomez verëffentlecht säin Debut-Album "Belesia", e richteg schéinen Album, wou den Ignacio dat musikalescht Ierwe vun den afrikanesche Sklaven ënnersträicht.
De Meeschter vum Xylophon aus dem Ghana, Isaac Birituro, huet en Album mam englesche Produzent a Singer-Songwriter Sonny Johns aka The Rail Abandon opgeholl. Mir lauschteren d'Single Auskopplung.
Zwee Titele vum Anthony Joseph, britteschen, trinidadesche Schrëftsteller a Museker, sengem neien Album "The Rich Are Only Defeated When Running for Their Lives".
Den amerikaneschen Jazzsänger Kurt Elling verëffentlecht elo gläich en neien Album, dee "Super Blue" iwwerschriwwen ass. E soll den 8. Oktober erauskommen, en Disk, deen an der Zesummenaarbecht mam Charlie Hunter, Corey Fonville an DJ Harrison vu Butcher Brown, entstanen ass. Hei e klenge Virgeschmaach op eng villverspriechend Collaboratioun.
De franséische Pianist Augustin d'Assignies hëlt eng éischt Ep ënner sengem Numm op, "A Seed Story" iwwerschriwwen. Hien huet an de leschten zéng Joer fir bekannte Leit gespillt wéi e Lilly Wood and the Prick, Ayo oder Zaz.
Och e Virgeschmaach op deen neien Album vum kanadesche Singer-Songwriter Geoffroy, dee fir d'nächst Joer ugekënnegt gëtt. Den Titel "Cold World" léisst dem Artist seng Reflektiounen erkléngen iwwer den Zoustand vun eiser Welt haut ...
Playlist:
Urban Village - Ubusuku - Udondolo
Samba Touré - Fondo - Binga
Ignacio Maria Gomez - Tchen Dorò - Belesia
Isaac Birituro & The Rail Abandon - Bill - Bill - Single
Anthony Joseph - Maka Dimweh - The Rich Are Only Defeated When Running for Their Lives
Kurt Elling - Sassy (feat. Charlie Hunter) - SuperBlue (feat. Charlie Hunter)
Omar Sosa - Ravann Dan Jazz (feat. Menwar) - An East African Journey
Augustin d'Assignies - A Seed Story - A Seed Story - EP
Geoffroy - Cold World - Cold World - Single
Thibaud Defever & Le Well Quartet - L'artillerie lourde - Le temps qu'il faut
Avishai Cohen - When I'm Falling - Two Roses
Anthony Joseph - Swing Praxis - The Rich Are Only Defeated When Running for Their Lives