One World
Paradise lost
Den Anthony Joseph, Museker, Poet a Schrëftsteller huet karibesch an englesch Originnen, hie gëtt och mol beschriwwen als de Leader vun der schwaarzer Avant-Garde an England. "The Rich Are Only Defeated When Running for Their Lives", ass d'Iwwerschrëft vu sengem neien Album, wou et ëm déi karibesch Diaspora geet an den Disk mécht en Hommage un d'Poete virun him.
De facettëräiche franséischen Jazzmann Julien Daïan a säi Quintett léisst op sengem drëtten Album "CUT UP" de Serge Gainsbourg zu Wuert kommen.
Influenzen aus anere Stiler ze integréieren an z. B. de Metissage vun der franséischer Chanson, deen huet de Bernard Lavilliers mat Häerz a mat Séil verteidegt.
De belschen instrumental Power Trio Under The Reefs Orchestra suggeréiert Ënnergang a Verloscht, mee déi poetesch Iddi hanner dem Numm bréngt och nei Welten zum Virschäin, wéi z. B. e Spadséiergang um Grond vum Mieresbuedem.
Den Elsässer Rodolphe Burger léisst d'Abstraktioun mat System a seng Lidder erafléissen, an all neien Album ass en Evenement. "Environs" mat engem Tracklisting, dee méi ënnerschiddlech bal net ka sinn.
Bedouine, dat ass d'Azniv Korkejian mam richtege Numm. Si koum a Syrien op d'Welt, huet misse flüchten, an no ville Statioune lieft si haut zu LA. Als Bedouine erzielt si op hirem Album "Bird Songs Of A Killjoy" mat duusse Folk Lidder vun hirem Schicksal-Theema, der Verdreiwung.
Eng vun den Decouverten dës Woch ass d'Formatioun Hurricane Turtle an hiren Debut "Umbrellas". All Member vun dëser Grupp huet e professionelle Parcours vun 20 Joer a zolidd Referenzen an der Jazz/Blues- a Soul-Zeen.
Playlist:
Mulatu Astatke & Black Jesus Experience - A Chance to Give - To Know Without Knowing
Anthony Joseph - Calling England Home - The Rich Are Only Defeated When Running for Their Lives
Julien Daïan Quintet - Trop c'est Trop - CUT UP
Niño de Elche - Sí, a Miguel Hernández - Al Verla Muerta
Bernard Lavilliers - Sertão - O gringo
Under The Reefs Orchestra - Hana - Under the Reefs Orchestra
Under The Reefs Orchestra - Le marcheur - Under the Reefs Orchestra
Bedouine - Dizzy - Bird Songs of a Killjoy
Rodolphe Burger - Gute Nacht - Environs
Hurricane Turtle - G-Spot - Umbrellas
Moonlight Benjamin - Tan malouk - Siltane
Manouchka - Haiti - Haiti