D‘Palestinenser wëssen antëscht net méi, wou se nach Schutz siche kënnen. An der Stad Rafah, un der Grenz mat Ägypte sinn aktuell esou vill Leit, datt et weder Liewensmëttel, nach genuch Drénkwaasser oder Stroum gëtt, mellt d‘BBC.
Op palestinensescher Säit solle bis elo iwwer 17.000 Mënschen ëmkomm sinn, heescht et vum palestinensesche Gesondheetsministère, dee vun der Hamas kontrolléiert gëtt. 70% dovu wiere Fraen a Leit ënner 18 Joer. Sechs Doudeger hätt et och nees bei Zesummestéiss wärend enger Razzia vun der israeelescher Arméi am besate Westjordanland ginn, dorënner e 14 Joer ale Jong, annoncéiert de Ministère.
Op israeelescher Säit gouf et de Mueren och nees Rakéitenalarm. D‘Attacken aus der Gazasträif géifen an Tëscht awer däitlech ofhuelen, hunn israeelesch Medie gemellt.
