De Cortège vun der marche féministe huet sech vun der Paräisser Plaz bis an d‘Uewerstad gezunn, dat gutt Wieder huet sécherlech gehollef, mee och déi international Situatioun, déi besonnesch fir vill Fraen eng Gefor duerstellen, Kricher, Diktaturen, déi sexuell Gewalt déi als Krichswaff agesat gëtt, op der marche féministe gouf un all d’Fraen op der Welt geduecht.
An der Ënneschtgaass, gouf et du méi bonnt virun, mauven a rosaen Damp huet d’Loft gefëllt, mee d’Ambiance war extra friddlech. Ënnert de Participante waren net nëmme Fraen, mee och Männer.
Op verschidde Pancarten huet een och kloer Messagën drop gehat: "We can do it, stop genocide, Fraerechter si Mënscherechter, oder nach men of quality don’t fear equality, Recht op Ofdreiwung duerch d’Verfassung schützen“, jee d’Lëscht vun de Messagen un d’Politik an un d’Gesellschaft ass nach ëmmer ganz laang.
