Déi ungaresch Regierung wëllt d’Austrëttsprozedur nach um Donneschdeg op de Wee bréngen. De Vertrag vum Internationale Strofgeriichtshaff vun Den Haag gesäit vir, datt den Austrëtt ee Joer no der schrëftlecher Kënnegung a Kraaft trëtt.
Datt den ungaresche Premier Viktor Orban sech net un d’Reegele vum IStGH wëllt halen, hat hie schonn däitlech gemaach, nodeem den internationalen Haftuerder géint den Netanjahu decidéiert gi war. De Viktor Orban hat duerno demonstrativ säin Alliéierte Benjamin Netanjahu an Ungarn invitéiert.
Ungarn misst Netanjahu festhuelen
Als ee vun 125 Vertragsstaate vum Geriicht, misst Ungarn den Netanjahu festhuelen.
Mat sengem Austrëtt mécht Ungarn sech awer net fräi vun der Flicht, den Haftuerder géint den Netanjahu ze vollstrecken.
D’Ukënnegung vun Ungarn den Internationale Strofgeriichtshaff wëllen ze verloossen, koum e puer Stonnen, nodeem den israeelesche Regierungschef fir ee Besuch vun e puer Deeg an Ungarn ukomm war.
