De President Xi huet sengem Gaascht gesot, datt béid Länner Partner sollte sinn an net Rivalen.
De Chines huet den US-Amerikaner awer och virum Risiko vun engem Konflikt gewarnt, sollt d’Taiwan-Fro schlecht géréiert ginn. China wëllt jo nees d’Kontroll iwwer d’Insel kréien. Tapeh huet duerno gemellt, datt d’USA hir Ënnerstëtzung vun Taiwan widderholl hätten an datt China déi eenzeg Gefor fir de Fridden an der Regioun wier.
De President Donald Trump huet sengem Géigeniwwer eng wonnerbar Zukunft tëschent béide Länner versprach an d’Renconter mam chineesesche President eng Éier genannt, wéi hien der net vill gehat hätt.
