Den Diplomat hat rezent an engem Video-Workshop vun enger südafrikanescher Denkfabrick ënnert anerem argumentéiert, datt den US-Präsident Donald Trump gemeinsam mat Muechte wéi dem Tech-Milliardär Elon Musk an dem Vizepresident J.D. Vance net just an den USA, mee och weltwäit nationalistesch Muechte géif stäerken.
Tensiounen zënter der Presidentschaft vum Trump
An deem Zesummenhang hat hien och déi däitsch AfD genannt. Den US-Ausseminister huet dem Rasool doropshi virgehäit mat engem Rassismus-Narrativ geziilt Tensiounen ze schafen.
Déi südafrikanesch Presidence huet bedauert, datt hiren Ambassadeur an den USA expulséiert ginn ass. D‘Relatiounen tëscht béide Länner sinn zënter dem Amtsuntrëtt vum Donald Trump op engem Déifpunkt.
Trump stéiert Gesetz géint Onrecht
Den Trump stéiert sech virun allem un engem Gesetz, dat rezent a Südafrika gestëmmt gouf, iwwert dat, kann d’Land am ëffentlechen Interessi enteegent ginn, fir Onrecht auszegläichen, dat wärend der rassistescher Apartheid-Ära entstanen ass.
Déi concernéiert Terraine gehéiere virun allem wäisse Baueren. Den US-President huet wéinst dem Gesetz Ufank Februar schonn all Hëllefe fir Südafrika agefruer a wëll betraffe südafrikanesch Baueren als Flüchtlingen unerkennen.
