D‘Europäesch Unioun huet hiren zwielefte Sanktiounspak géint Russland definitiv decidéiert. Déi nei Sanktioune viséieren ënner anerem den Import vun Diamanten aus Russland.
Da gouf d‘EU den Datum bekannt fir een ausseruerdentlecht Treffe vun de 27 Staats- a Regierungscheffen iwwer weider finanziellen Hëllefe fir d‘Ukrain. Dat Treffe soll den 1. Februar sinn. Am EU-Budget si déi nächst véier Joer eng zousätzlech 50 Milliarden Euro fir d‘Ukrain virgesinn. Um EU Sommet zu Bréissel d‘lescht Woch goufen déi Sue vum ungaresche Premier Viktor Orbán blockéiert.
