D‘Hausse wier zur Hallschent duerch d‘Frontalieren ze erklären. Allerdéngs wier och de Beschäftegungstaux an d‘Luucht gaangen. Dat wier eng gutt Nouvelle, esou IDEA.
Den Duerchschnëttsalter vun de schaffende Leit, inklusiv d‘Frontalieren, géif iwwerdeems bei 41 Joer leien. Dat bedeit eng Hausse vun iwwer 2 Joer zënter 2009. Dat wier zwar net exorbitant am europäesche Verglach, esou IDEA, mee et géif dorop hindeiten, datt d‘Aarbechtskräften hei am Land lues a lues méi al géife ginn.
