Wann een engem wëllen Déier op der Strooss begéint, soll ee méi lues fueren, tuten an d‘Winkeren umaachen. D‘Pharen dogéint sollt een net benotzen, well déi d‘Déieren an aner Automobiliste kéinte perturbéieren. Wann eng Kollisioun mat engem Déier onausweichlech ass, da soll een net versichen d‘Déier ze evitéieren, ma d‘Steier mat zwou Hänn unhalen an eng Noutbremsung maachen.
Wann et zur Kollisioun kënnt, soll een eng Sécherheetswest undinn, wann en erausklëmmt, d‘Plaz vum Accident sécheren an d‘Police kontaktéieren. Op kee Fall soll een dat blesséiert oder doudegt Déier upaken oder beweegen. Un d‘Spadséiergänger ass et d‘Recommandatioun déi concernéiert Zone wärend der Saison vun de Klappjuegten ze evitéieren. Déi dauert bis de 17. Dezember.
