Den CSV Deputéierten a President vum Gemengesyndikat, SYVICOL, Emile Eicher erkläert, datt et wichteg wier déi lokal kleng- a mëttelgrouss Handwierksbetriber ze ënnerstëtzen. De Staat misst awer do an éischter Linn seng Responsabilitéit huelen an zesumme mat de sozial-Partner no Léisunge sichen.
“Et setzt natierlech viraus, datt de Staat och de Gemengen ënnert d’Äerm gräift. En huet dat Deels gemaach mat Subventiounen, mee ech mengen do misst een dann, eng gemeinsam Aktioun maachen. Wou Staat a Gemengen sech un en Dësch setzen, villäicht och mat deenen zwou Chambres professionels. Fir schnell Léisungen ze fannen, well dorop kënnt et jo lo un.”
Wat seng Zukunft ugeet, sot den Emile Eicher, hie géif gär nach eng Kéier als President vum SYVICOL untrieden, wann Enn November de Comité néi gewielt gëtt. Vun senger Partei, der CSV, hätt hien dofir och d‘Ënnerstëtzung.
