Bei där Entrevue soll iwwer den iwwerschafften US-Friddensplang verhandelt ginn, mee de Wladimir Putin huet déi rezent Ännerung och scho virop ofgeleent.
D‘Virschléi vun den Europäer wéilten de Friddensprozess blockéieren, esou de Putin géintiwwer der russescher Noriichtenagence.
Den ukrainesche President Wolodymyr Selenskyj sot sengersäits op Visitt an Irland, hie wier op "alles virbereet".
Kiew dementéiert iwwerdeems d‘Meldung vu Russland, datt Moskau déi strategesch wichteg Stad Pokrowsk ageholl hätt. D'Kämpf géife weidergoen, esou Kiew. Pokrowsk ass eng logistesch Schlësselplaz fir déi ukrainesch Truppen am Oste vum Land an ass zënter Méint ëmkämpft.
