Hie seet am 100,7-Interview, déi aktuell Grenzkontrollen un der däitscher Säit géifen a sengen Ae Schengen net den Doudesstouss verpassen.
Ëmmerhin hätten d’EU-Inneminister:inne sech nach emol rezent dofir ausgeschwat, datt Schengen misst weider goen. De Robert Goebbels mengt iwwerdeems, datt d’Grenzkontrolle souwisou näischt brénge géifen. Hie seet "wa Grenzkontrolle géifen eppes bréngen, da misst Groussbritannien e Paradäis sinn."
"Trotzdeem huet Groussbritannien eng grouss Kriminalitéit, si haten Terrorattentater, an dëst Joer hate si déi gréissten Zuel vun illegalen Immigrante vun all den europäesche Länner. Wat hunn dann d'Grenzkontrolle bruecht?"
Groussbritannie war ni am Schengenraum an huet ëmmer d'Grenze kontrolléiert, betount de Robert Goebbels weider.
