D'Autoritéite bieden d'Leit, keng Zigarettestëmp an d'Natur ze geheien an dobausse kee Feier unzemaachen.
Gegrillt soll nëmmen op den dofir virgesinne Plaze ginn.
Zoufaarten net blockéieren
Och sollen Autoen net iwwer Wisen, Felder oder duerch Bëscher gefuer ginn, well Hëtzt oder Funken e Brand ausléise kënnen. Ausserdeem dierfen Zoufaarten zu Bëschweeër a Felder net blockéiert ginn, fir datt d'Pompjeeën am Noutfall séier op d'Plaz kommen.
Am Fall vun engem Brand sollen d'Leit sech als éischt a Sécherheet bréngen an direkt den Noutdéngscht iwwer den 112 alarméieren.
