Do wier och de Lëtzebuerg Premier Luc Frieden zu Paräis derbäi, krute mir op Nofro hi vu sengem Büro confirméiert. Och d‘Belsch ass derbäi.
Verschidde Länner bedeelege sech un där Reunioun iwwert Video.
Mat derbäi sinn, der Noriichtenagence Reuters no, och Litauen, Estland, Lettland, d‘Tschechesch Republik, Griicheland, Finnland, Rumänien, Schweden, Kanada a Norwegen.
EU-Rotspresident schléisst EU-Sommet net aus
Enger EU-Source no ass den Ament keen extraordinairen EU Sommet mat alle 27 Staats- a Regierungscheffe geplangt. Dat wier net ausgeschloss, mee d'Zil dovu misst et sinn, datt een och Resultater produzéiert.
De Rotspresident Antonio Costa géif sech den Ament mat den Leader beroden, zu zwee Sujeten. Nämlech der Ennerstëtzung fir d'Ukrain an d'Sécherheetsgarantien. D'Decisioun doriwwer, wéi eng déi nächst Schrëtt sinn, géif op der Basis vun deene Consultatioune gemaach.
