An der internationaler Competitioun gouf déi Lëtzebuergesch-däitsch-belsch Co-Produktioun "Death will come“ vum däitsche Realisateur Christoph Hochhäusler zeréckbehalen. Dobäi kënnt den Documentaire "Youth“ vum Wang Bing, deen an Zesummenaarbecht mat Frankräich, Hong Kong an Holland realiséiert gouf an och schonn zu Cannes war.
Donierft ass de Long-métrage "Jakobs Ross“ vun der Schwäizerin Katalin Gödrös hors compétition, a bei de Kannerfilmer ass den Animatiounsfilm "Slocum et moi" vum François Laguionie zeréckbehale ginn.
De Filmfestival um Bord vum Lago Maggiore leeft vum 7. bis de 17. August.