"Toxic" ass een däischtere Film, an deem sech zwee jonk Meedercher via eng hypotheetesch Modellkarriär d’Flucht aus hirer verkommener Peripherie verspriechen.
Déi vum rumänesche Realisateur Alexander Nanau presidéiert Jury huet iwwerdeems de bulgareschen Drama “Windless” mat hirem Spezialpräis belount, wärend d’Kritiker nach den ungaresche Bäitrag “Lesson learned” mat enger “mention spéciale” ervirgehuewen hunn.
De Young Talents award geet un “It’s not my film” aus Polen. De Publikumslibling war dëst Joer um CinEast den tschechesche Thriller “Waves”.
Déi 17. Editioun dem Cineast-Festival vum Mëttel- an Osteuropäesche Film geet dëse Sonndeg den Owend op en Enn.