/ Nom Doud vun iwwer 110 Mënschen zu Gaza: Paräis a Berlin fuerderen eng onofhängeg Enquête
Paräis a Berlin fuerderen eng onofhängeg Enquête iwwert den Doud vu méi wéi 110 Mënschen an der Gazasträif gëschter, déi wärend der Distributioun vun Hëllefsgidder gestuerwe sinn. De franséischen Ausseminister Stéphane Séjourné huet op France Inter däitlech gemaach, datt et Explikatioune musse ginn.
1 min
Frankräich géif kloer d‘Hamas als Terrororganisatioun astufen, mee grad esou kloer géif d‘Land sech zu den Atrocitéiten an der Gazasträif äusseren.
Bei der Verdeelung gëschter war et zu Gedrécks komm. Der palestinensescher Hamas no hätten israeelesch Zaldoten och op d‘Leit geschoss. Eng Behaaptung déi Israel dementéiert. International gouf den Tëschefall schaarf kritiséiert.
