/ Nigeria: Dron attackéiert fälschlecherweis Zivilisten - 85 Doudeger bis elo gemellt
A Nigeria huet d‘Arméi duerch ee Feeler mat enger Dron op d‘mannst 85 Zivilisten ëmbruecht. Dat hunn déi nigerianesch Urgence-Autoritéiten elo confirméiert, nodeems d‘Awunner vum betraffene Duerf am Staat Kaduna schonn de Bilan vu méi wéi 80 Doudeger an iwwer 60 Blesséierter gemellt haten.
1 min
D‘Arméi huet och confirméiert, datt eng vun hiren Drone fälschlecherweis Awunner wärend enger moslemescher Feier getraff huet. De President Bola Ahmed Tinubu huet eng Enquête gefuerdert.
Déi nigerianesch Arméi mécht dacks Gebrauch vu Kampfdrone fir am Nord-Westen a Nord-Oste vum Land géint dschihadistesch Milize virzegoen, déi do zanter 14 Joer am Konflikt mat der Regierung sinn.
