Lëtzebuerg wier Eurostat no eent vun europäesche Länner, wou vill Alkohol gedronk gëtt. 2019 wier Lëtzebuerg op der drëtter Positioun vun de Länner mat exzessivem Alkohol Konsum gewiescht. Iwwer 34 Prozent vun den Awunner hätten deemools zouginn, datt si op d‘mannst eemol de Mount exzessiv vill Alkohol drénken.
D‘Santé mécht an engem Communiuqé siwe praktesch Recommandatioune fir ee moderaten Alkoholkonsum. Dorënner, datt een net méi wéi zwee Glieser soll drénken, eng Limitt soll ee sech scho virun engem Owend, wou ee feiert, setzen, an et soll een, wann een Alkohol drénkt, dertëscht och ëmmer nees net alkoholesch Gedrénks consomméieren.