Déi nei Variant vum Mpox-Virus gouf bei véier Membere vun enger Famill nogewisen, dorënner déi zwee Schoulkanner. D'Famill wier an der Quarantän, déi Betraffen hätte bis elo liicht Symptomer, esou d'Autoritéiten.
Si mengen, datt ee Familljemember sech bei enger Rees an Afrika ugestach hätt. Déi nei Mpox-Variant breet sech zanter Méint an e puer afrikanesche Länner aus. Den Autoritéiten no wieren zanter ufanks vum Joer 1.200 Mënschen doru gestuerwen.
D'Weltgesondheetsorganisatioun hat déi nei Mpox-Variant am August als "International gesondheetlech Noutsituatioun" deklaréiert. Dat bedeit, datt d'Autoritéiten d'Entwécklunge ronderëm dee Virus mat méi grousser Opmierksamkeet sollen observéieren.