Noriichten

/ Meteolux: De Februar war dee wäermsten zënter 1947

Klima

04 Mäe. 2024 - 13h37

Meteolux: De Februar war dee wäermsten zënter 1947

De Mount Februar war mat Duerchschnëttstemperature vu 6,5 Grad dee wäermsten zënter d’Temperaturen zu Lëtzebuerg opgezeechent ginn. Dat geet aus dem Rapport vum Service Meteolux.lu ervir.

1 min

Wieder (Foto: picture alliance/dpa | Matthias Bein)

Par conter war de Mount Februar fiicht an d’Sonn huet sech net vill gewisen. Et goufe just 35 Stonne Sonn registréiert. Dat ass am Ranking déi zweet leschte Plaz fir de Mount Februar.

Dee ganze Wanter war mat enger Duerchschnëttstemperatur vun 4,1 Grad deen drëttwäermste Wanter zanter 1947. Am Verglach mat de Jore virdrun huet et méi gereent, mee an de leschte Wantere gouf et ee Waasserdefizit.