Dës Ukennegung huet d‘Justizministesch Elisabeth Margue an enger Äntwert op eng parlamentaresch Fro vum CSV-Deputéierten a Buergermeeschter vun Dikrech, Charles Weiler, gemaach.
Domat soll och den zukünftege Besoine virgegraff ginn. De Gesetzprojet iwwert de pluriannuelle Rekrutement vu Magistraten, deen am Summer zejoert op den Instanzewee geschéckt gouf, gesäit iwwert déi nächst 3 Joer 17 nei Posten am Bezierk Dikrech vir, sou nach d‘CSV-Ministesch.