Hie wier an der 1. Manche vum Slalom net de leschte Risiko agaangen, well vill Leefer virun him eliminéiert goufen. An den Ae vum Matthieu Osch hätt et och Vir- an Nodeeler ginn, fir am zweeten Duerchgank mat als éischten un den Depart ze goen. Engersäits hätt ee manner Informatiounen zu der Pist. Anerersäits wier d‘Pist awer nach gutt, esou datt ee seng eege Linn ka fueren.
"An ech hat awer gekuckt, datt ech mat mengem Trainer awer e gudde Plang erstellen no der Reco, datt mer do eis d'Linn genau ukucken, an dat huet zimmlech gutt geklappt."
Kuerz virum Zil huet ee Feeler him nach eppes Kascht. Eppes wat him net geschitt wier, wann hie méi Informatiounen zur Pist gehat hätt. „Mee dat ass ëmmer am Nachhinein einfach ze soen“, esou den Alpine Schileefer. deen an de leschten 3 Joer vill blesséiert war. Hien huet elo nach e puer FIS-Coursse geplangt: Iwwert dee Wee wëllt hien an der Weltranglëscht weider no vir kommen.
