An d’franséisch Haaptstad reese sécher d’Liichtathlete Bob Bertemes a Patrizia van der Weken, d’Cyclistin Christine Majerus, den Dressurreider Nicolas Wagner-Ehlinger, de Schwëmmer Ralph Daleiden, de Bouschéisser Pit Klein, d’Dëschtennisspiller Sarah de Nutte, Ni Xia Lian a Luka Mladenovic an d’Triathletin Jeanne Lehair.
Dobäi kënnt sécher nach e männleche Cyclist, deem säin Numm awer nach net bekannt ass.
Hoffnungen op d’Spiller kënne sech nach d’Liichtathlete Charel Grethen, Vera Hoffmann, Charline Mathias a Ruben Querinjean maache souwéi den Triathlet Gregor Payet, an eventuell nach eng Schwëmmerin oder e Schwëmmer.