Et ass déi éischt Attack op de Stadzentrum zënter dem Ufank vun der Rebellenoffensiv, bei där grouss Deeler vun Aleppo vun der islamistescher Grupp HTS eruewert goufen.
No engem Réckzuch vun den Assad-treie Kräften hunn och kurdesch Milize strategesch Positiounen iwwerholl, dorënner de Flughafen an Dierfer am Norden an Oste vun Aleppo. Grouss Beräicher vun der Stad sinn elo an den Hänn vun Oppositiounsmilizen.
Zéngdausende Leit si mëttlerweil op der Flucht. Déi Syresch Beobachtungsstell mellt, datt zënter dem Ufank vun der Offensive schonn 327 Leit gestuerwe sinn. D'Situatioun bleift onstabil, wärend Russland als wichtegen Ënnerstëtzer vum Assad-Regime eng zentral Roll spillt.