De Premier Juge um Bezierksgeriicht an der Stad mécht och däitlech, datt d’Remuneratioun vun de Riichter:innen, hirer Aarbecht an hire Responsabilitéiten de Moment net ugepasst wier. Dem Philippe Wadlé no géif eng adequat Bezuelung vun de Riichter:innen zur Stäerkung vun hirer Onofhängegkeet bäidroen.
„Dat erkläert, datt international oft de Verglach gezu gëtt, tëschent de Salairë vun de Riichter an dem salaire moyen vun engem Land. Wann een déi Vergläicher kuckt, do bilt Lëtzebuerg mat e puer anere Länner wierklech d’Schlussliicht.“
De Groupement des Magistrats Luxembourgeois gehéiert zanter 2010 zur Staatsbeamtegewerkschaft CGFP. De Gruppement vertrëtt ronn 230 Memberen, vun den am ganze ronn 300 Leit aus der Lëtzebuerger Magistratur.