D’Biergerinitiativ Amber 380 KV wiert sech dogéint, datt eng nei Héichspannungsleitung ganz no laanscht hir Haiser leeft. Wou déi Leitung wäert gebaut ginn ass nach net gewosst. Et gi verschidde Varianten. Am Oktober soll de Wirtschaftsminister annoncéieren, wéi eng Variant wäert realiséiert ginn.
De Claude Berg, Spriecher a Matgrënner vun der Biergerinitiativ Amber 380 KV, huet am 100,7-Interview iwwert déi gesondheetlech Risike geschwat, am Fall wou d‘Héichspannungsleitung laanscht Amber an der Gemeng Jonglënster géif verlafen.
Déi Leitung wier dann zum Deel nëmmen 100 Meter oder manner vun Haiser ewech, an déi gréisst Suerge géif ee sech iwwert déi elektromagnéitesch Stralung maachen, esou de Claude Berg.