Den Inneminister Léon Gloden confirméiert dës Informatiounen an enger Äntwert op eng parlamentaresch Fro vun der grénger Deputéiert Josée Lorschée. D‘Faiten géifen op de 16. Oktober zréck goen.
Dräi Deeg méi spéit wier d'Generaldirektioun doriwwer informéiert ginn. Doropshi wiere Schutzmesurë geholl ginn. D'Enquête soll elo klären, wat genee geschitt ass.
18 Enquêten an de leschte fënnef Joer
An de leschte fënnef Joer goufen et beim Corps grand-ducal d’incendie et de secours (CGDIS) ausserdeem zéng Meldunge vu presuméiertem psychologeschem Mobbing an zéng vu sexueller Belästegung. An dëse Fäll goufen insgesamt 18 Enquêtë gefouert an eelef Disziplinarmesurë geholl – dat preziséiert nach den CSV-Inneminister.
