An dem neien HRS-Zentrum op der Cloche d'Or kënne geplangten Aenoperatiounen ënner lokaler Anästhesie duerchgefouert ginn.
Et ass eng weider Etapp an der Strategie vun den Hôpitaux Robert Schuman, fir méi medezinesch Behandlungen ambulant unzebidden. Schonn d'lescht Joer war op der Cloche d'Or en Zentrum fir medezinesch Bild-Diagnostik opgaangen.
Fir d'Fréijoer 2028 ass ausserdeem d'Ouverture vun engem weideren Zentrum fir ambulant Chirurgie geplangt, dat um Boulevard Kockelscheier.
