Mat der neier Regierung ass elo den Inneministère fir déi Demanden zoustänneg. Deemno goufen iwwer Dausend Demandë bannent 11 Méint beäntwert a bei ronn 800 Asyldemanden huet et am Ganze méi wéi 21 Méint gedauert - also iwwert de maximalen Delai eraus.
Déi international Krise wéi déi russesch Invasioun vun der Ukrain, mee och d’Muechtiwwernam vun den Taliban am Afghanistan hätten een Impakt op d’Dauer vum Traitement vun den Asyldemandë gehat, preziséiert de Léon Gloden weider. Am Koalitiounsaccord wier den Traitement vun den demandes de protection internationale eng Prioritéit, sou nach den Inneminister, dofir géifen déi concernéiert Administratiounen elo opgestockt ginn.