Bei de Verhandlunge mat der Hamas hätt Israel elo eng weider Waffepaus vun op d’mannst enger Woch ugebueden, ënnert der Konditioun, datt d‘Hamas op d’mannst dräi Dose weider Geisele fräiléisst, esou den amerikaneschen Noriichteportal Axios.
Am UNO Weltsécherheetsrot gouf iwwerdeems ee Vott iwwer eng Resolutioun fir ee Waffestëllstand an der Gazasträif ze fuerderen op en neits op Wonsch vun den USA verluecht. Dat wéinst Oneenegkeeten iwwer d‘Formulatioun vum Text.
Den Hamas Chef, Ismail Haniyeh, gëtt haut iwwerdeems zu Kairo an Ägypten erwaart fir iwwer eng nei Waffepaus ze verhandelen. Dëst stäerkt d'Hoffnungen op eng Waffepaus.
