Noriichten

/ Macron schléisst Asaz vun europäesche Buedemtruppen net aus

Ukrain Hëllefskonferenz

27 Feb. 2024 - 07h38

Macron schléisst Asaz vun europäesche Buedemtruppen net aus

De franséische President Emmanuel Macron schléisst den Asaz vu europäesche Buedemtruppen an der Ukrain net aus. Fir eng russesch Victoire an der Ukrain ze verhënnere wier näischt ausgeschloss, dat sot de franséische Staatschef nom Ofschloss vun der Ukrain Hëllefskonferenz zu Paräis.

1 min

(Foto: European Union)

Bei dësem Treffe vun iwwer 20 Staats-a Regierungscheffen, dorënner de Lëtzebuerger Premier Luc Frieden, gouf decidéiert, eng nei Koalitioun ze forméieren, fir der Ukrain méi Munitioun, Rakéiten a Bommen ze liwweren.

Iwwert den Asaz vu Buedemtruppen hätt et kee Konsens ginn, mee an Zukunft kéint näischt ausgeschloss ginn, sot den Emmanuel Macron. All Land kéint eegestänneg a souverän iwwert den Asaz vu Buedemtruppen decidéieren.