Noriichten

/ Flixbus misst an der Belsch gestoppt ginn

Wéinst Terrorwarnung

11 Jan. 2024 - 16h18

Flixbus misst an der Belsch gestoppt ginn

An der Belsch gouf e Flixbus wéinst enger Terrorwarnung gestoppt. De Reesbus war vu Lille a Frankréich op Bréissel ënnerwee. Ee Passagéier am Bus huet der Police gemellt, datt hien aner Passagéier héieren hätt, déi sech iwwert eng terroristesch Attack ënnerhalen hätten.

1 min

(Foto: picture alliance/dpa | Thomas Banneyer)

D‘Police huet doropshin de Bus bei der belscher Stad Gent gestoppt. 3 Mënsche goufe festgeholl, sou de Parquet vun Ost-Flanderen. De Bus gouf evakuéiert an duerchsicht, et wieren och Sprengstoff-Hënn am Asaz gewiescht.

Bis elo kéint nach net confirméiert ginn, ob eng reell Terror-Gefor besteet. Den Terroralarm géif awer den Ament net eropgesat ginn.