/ Éischten Duerchbroch bei de Sondéierungsgespréicher tëschent Unioun an SPD
Bei de Sondéierungsgespréicher an Däitschland tëschent Unioun an SPD gouf et een éischten Duerchbroch. Béid Säite goufen sech iwwer e Finanzpak eens fir d'Verdeedegungsausgaben ze erhéijen an Infrastrukturen ze moderniséieren. Dat hunn d'Parteicheffe vun CDU/CSU an der SPD zu Berlin annoncéiert.
1 min
Fir d'Defenseausgabe soll d'Scholdebrems, déi am däitsche Grondgesetz verankert ass, méi labber gemaach ginn. Dat hat d'Unioun rezent nach ausgeschloss. Fir d'Infrastrukturen an Däitschland ze moderniséieren - dorënner Stroossen, Brécken a Gleiser - solle Kreditter vu 500 Milliarden Euro opgeholl ginn.
