Déi dänesch Police hat gemellt, datt an der Nuecht op en Donneschdeg Dronen iwwer véier Flughäfen an Dänemark gesi gi wieren: Zu Aalborg am Norden, Esbjerg am Westen, Sonderborg am Süden an iwwer dem Militärfluchhafe vu Skrydstrup och am Süden.
De Flughafen zu Aalborg gouf e puer Stonne laang gespaart, esou d'Police.
Eréischt virgëschter waren Dronen iwwer de Flughäfe vu Kopenhagen an Dänemark an Oslo a Finnland detektéiert ginn. Déi dänesch Premierministesch Mette Frederiksen hat vun där bis elo schwéierster Attack op kritesch dänesch Infrastruktur geschwat a mam Fanger op Russland gewisen. Russland huet all Responsabilitéit zeréckgewisen.
