Op enger Kahlschlagfläch zu Sir leeft de Bësch-Projet „Planzt mat!“ vun der Fondatioun Hëllef fir d‘Natur. Op där Plaz stoung virun 20 Joer nach ee Fichte-Bësch, deen awer komplett ëmgeluecht gouf.
Heiansdo erhëlt d‘Natur sech dovunner, wann ee se gewäerde léisst. Dat war hei awer net de Fall, wéinst dem Klimawandel - an d‘Wëldpopulatioun ass ze héich. Réi knabberen zum Beispill all Knosp of soubal se schéisst.
Mëttlerweil ass d‘Fondatioun Hëllef fir d‘Natur Proprietär vun der 10 Hektar Fläch. Elo ginn hei verschidde Bamzorte geplanzt, déi och op enger Distanz vun 1,5 Kilometer mat engem Wëldgatter geschützt ginn, erklären de Patrick Losch, President vun der Fondatioun Hëllef fir d’Natur an de Julien Bosseler, engem Mataarbechter, dee sech ëm d‘Opforstung këmmert.