/ Dänesch Premierministerin reest nächst Woch op Grönland
Nom ëmstriddene Besuch vum US-Vizepresident JD Vance gëschter um Samschdeg op Grönland reest déi dänesch Premierministerin elo och op déi semi-autonom Insel. Si géif d‘nächste Mëttwoch fir zwee Deeg op Grönland reesen, huet d‘Mette Frederiksen annoncéiert. Si wéilt déi gutt Relatiounen tëschent Grönland an Dänemark weider verdéiwen, sou déi dänesch Regierungscheffin.
1 min
Den JD Vance hat bei senger Visitt gesot, Dänemark géif net genuch fir d‘Sécherheet vun der Insel maachen. Hien huet déi grönlännesch Populatioun encouragéiert, d‘Onofhängegkeet vun Dänemark unzestriewen a sech mat den USA ze associéieren.
Déi dänesch Regierung sot, si géif sech net gefale loossen, datt d‘USA an deem Toun schwätzen.
Den US-President Donald Trump géif Grönland gär ënnert amerikanesch Kontroll bréngen.
