De Leon Gloden begréisst, datt Däitschland an Zukunft op eesäiteg Zeréckweisungen un de Grenze géif verzichten an am Plaz op bilateral Ofkommesse mat den Nopeschlänner wéilt setzen.
Am Koalitiounsaccord vun Union an SPD si weider Grenzkontrolle virgesinn. Béi Zeréckweisungen wëll sech Däitschland deemno awer mat sengen Nopeschlänner ofspriechen. Lëtzebuerg hat Mëtt Februar dëst Joer eng schrëftlech Reklamatioun bei der EU-Kommissioun géint d’Verlängerung vun den däitsche Grenzkontrollen agereecht.
