Den ale Bundestag, deen ofstëmmt, muss de Finanzpak mat enger Zweedrëttelmajoritéit unhuelen. Am Ganze sollen doduerch 500 Milliarden Euro fir Verdeedegung, Infrastruktur a Klimaschutz deblockéiert ginn.
Knapp war et iwwerdeems net: Et gouf iwwer 20 Stëmme Puffer. Konkret gouf iwwer eng Ännerung vun 4 Verfassungs-Artikel ofgestëmmt fir déi sougenannt Scholdebrems méi labber ze maachen.
Den Uniouns-Chef a warscheinlech zukünftege Bundeskanzler Friederich Merz, huet déi geplangt Scholde mat der Sécherheet vun Däitschland, Europa an der NATO justifiéiert. Ier dat Realitéit gëtt, muss de Bundesrat e Freideg awer nach säin Accord ginn.
