D’Déier ass Enn Mäerz gestuerwen. Viru 4 Deeg huet eng Analys d’Krankheet du confirméiert.
Deen Erreeger ass virun allem a Wëlldéieren ze fannen, besonnesch Huese sinn awer dofir empfänglech, dofir gëtt vun Huesepescht geschwat. Awer och Kanéngercher, Raten, Mais oder och Fleeschfrësser kënnen d‘Krankheet kréien.
D'Kränkt kann op de Mënsch iwwerdroe ginn
De Landwirtschaftsministère warnt, et soll ee wëll Déieren oder Kadavere vu wëllen Déieren nëmme mat Händchen an enger Mask upaken. D‘Bakterie sinn och iwwer Anootmen iwwerdrobar, och iwwer kontaminéiert Waasser oder och Zecken.
Dee Kontakt sollt dowéinst evitéiert a beim Fanne vu kranken Huesen de “Centre de soins pour la faune sauvage” zu Diddeleng informéiert ginn.
