/ CGDIS warnt: Net op zougefruere Séie goen
D‘Temperature sollen am Laf vum Dag an och déi nächst Deeg eropgoen an och net méi ënner null Grad falen. D‘Rettungsdéngschter hunn op Facebook elo dréngend geroden, net op Séien ze goen, déi zougefruer sinn.
1 min
D‘Äis wier plazeweis net déck genuch, fir en Erwuessenen, e Kand oder och en Hond ze droen. Wann een an d‘Äis abrécht, kann dat liewensgeféierlech ginn.
Déi Warnung zielt wuel besonnesch och elo, well déi méi héich Temperature séier alles entdeeë wäerten.
