De gréissten Deel soll um Mëttwoch am Nomëtteg an an der Nuecht op en Donneschdeg falen. Et gëtt mat bis zu 60 Liter – lokal souguer bis zu 70 Liter op de Metercarré – gerechent, esou Meteolux. Vu muer den Owend u kann et zu Iwwerschwemmunge kommen, heescht et am Schreiwes. Et gëllt als ganz warscheinlech, datt eng Alerte wéinst Héichwaasser declenchéiert gëtt.
Den Trafic riskéiert an de betraffe Gebidder gestéiert ze sinn. Automobiliste sollen hire Fuerstil de Wiederconditiounen upassen.
Am Nomëtteg kommen déi zoustänneg Autoritéiten nach eng Kéier zesumme fir d‘Situatioun z‘evaluéieren.